म एक तन्नेरी मोनालिसा

सबिना सिन्धु

सम्भावनाको भविष्य लम्कँदै
जिन्दगीको खाता पल्टाउँदैछे
समयको परिशिष्ट भित्र
जोडफल र योगफलको
अङ्कगणितमा बाँधिएकी
तन्नेरी मोनालिसा ।

जाग्रित मोनालिसा हाँसेर
बग्दैछे, माथि छहराबाट
हामफाल्न तयार भएको
झरनाको श्वेत पानी झैं ।

आवश्यकताका सूचनाहरु पढ्दै
आकृतिहरुकी मोनालिसा
दियोमा बल्दै छे,
सतीमा होमिएको
एक जिउँदो लाश भएर,
म र म जस्तै
एक तन्नेरी मोनालिसा ।

-----------------------
कपिलाकोट ९ , सिन्धुली