Sunday, July 8, 2007

आजको कविता


रोशन सुवेदी

जङ्गबहादुर र समय-२

एउटा जङ्गबहादुरको मुत्यु हुन नपाई
अर्को जङ्ग बहादुरको जन्मन्छन्
थाहा छैन् जङ्गबहादुरहरूको आगमन
कहिलेसम्म भईरहन्छ -

इतिहासका कोर्राहरूको डाम
अझै छातीमा मेटिएका छैनन्
जीवनमा लागेका चोटहरू
अझै आलोनै छन्-
आँशु र रगतले लतपत्

जङ्गबहादुरका आकृतिहरू
भुत बनेर
फैलिहरेछन्-तर्साइरहेछन्
समयका ढाडमा
कति जङ्गबहादुरहरू
अवतरण भइरहेछन्
आफूलाई राजा घोषणा गरिरहेछन्
समयका घोडा चढेर

समयका
सुकिला ढाडहरूले
कति कोर्रा खानुपर्ने हो
कति नील-डाम सहनुपर्ने हो
थाहा छैन बर्तमानको क्यालेण्डर
रगतले लतपतिएको छ
अविश्वास र षडयन्त्रले किचिएको छ
मेटिएका छन् -समयका घडीपलाहरू ।
-
रचना - २०५८ साल
साब्ला, तेह्रथुम, हालः कोटेश्वर, काठमाण्डू
सर्म्पर्क ४४६०१९४३ बास, ४४७०९३३ कार्यालय

No comments: