परिहास सुब्बा
यसपाली मन्दिर जाँदा,
द्यौता सित
तिमीलाई मागिन मैले।
लाग्दछ,
कि त मेरो मुटुको प्रत्येक सेलहरु तिम्रै मायाले निर्मित छन्
होईन भने किन अट्ठीन्छ र मलाई अप्ठ्यारो हुन्छ ?
जब म तिमीलाई सम्झन्छु ।
र , सावित छ
म चाँढै नै मुटु सम्बन्धी रोगी बन्दैछु यसै कारण ।
थाहा छ,
थाहै छैन बाट रिर्सच गर्छु
कति सम्म माया गर्र्छौ र चाहान्छौ मलाई
लख् काट्छु , कति सम्म घृणा गर्र्छौ वा चाहादैनौ बाट
वश बीचमा पर्खाल छ
चाहानु र नचाहनु को अस्तित्व बोध गराउनलाई
तिम्रो निष्कर्श नै
मेरो रिर्सच को रिजल्ट पनि हो
त्यसैले
यसपाली मन्दिर जाँदा द्यौता सित
तिमीलाई मागिन मैले ।
र अर्को कुरा,
तिम्रो मायाको अंश भित्र
सधैं सत्य युग बाँचेको हुन्छु म
र पाप कहिल्यै चिताउँदिन ।
तर मेरो मुटु संग तिम्रो के नाता छ?
र यसरी
मेरो मुटु अट्ठीन्छ र अप्ठ्यारो हुन्छ मलाई
जब म तिमीलाई संझिन्छु ।।
No comments:
Post a Comment