Friday, July 6, 2007

हातहरु


टंक सम्वाहाम्फे

हातहरु
हामी उर्ठाईरहेकाछौ धेरै पहिले देखि
किनभने हामीलाई
हाम्रो हात चाहिएको छ
हाम्रो आवाज चाहिएको छ
हाम्रो स्वतन्त्रता चाहिएको छ
जो हिजो सम्म वन्दि थिए ती हातहरु
आज हामी उचाली रहेछौ तिनै हातहरु माथि धेरै माथि
अव फस्दैनन् हातहरु कसैको जालमा
अव ढल्दैनन् हातहरु कसैको हतियारले
अव झुक्दैनन् हातहरु कसैको दवावले
अव फुट्दैनन् हातहरु कसैको लोभ र लालचले
अव लुक्दैनन् हातहरु कसैको डर र धम्किले
किनभने हातमा हात वाधिएर अजेय शक्ति वनेकाछन् हातहरु
हातमा हात थपिएर एउटै सागर वनेकाछन् हातहरु
हातमा हात जोडिएर एउटै साथ वनेकाछन् हातहरु

हातहरु
गाउ वस्ति शहरवाट उठेकाछन्
हरेक तह ताप्कावाट जुटेकाछन्
देशको अङ्ग अङ्गवाट ब्युझेकाछन्
हिमाल पहाड तर्राईवाट जागेकाछन्
यिनै हातहरु जुनवेला हातहरु कै दवावमा
सुतेका थिए उठ्नुवाटफुटेका थिए जुट्नुवाट
झुकेका थिए उभ्नेवाट
लुकेका थिए देखिनुवाट
अव यी हातहरु कहिल्यै त्यसरी
सुत्नु हुदैन / फुट्नु हुदैन
लुक्नु हुदैन / झुक्नु हुदैन
वरु सधै सधैका लागि हातहरु
उठ्नु पर्छ / जुट्नु पर्छ
गाउ वस्ति शहरवाट
हरेक तह र ताप्कावाट
देशको हरेक अङ्ग अङ्गवाट
वहुल विचार उठ्नु पर्छ
वहुल जाति धर्म संस्कृति र भाषा उठ्नु पर्छ
समावेशी र संघियताको पक्षमा जुट्नु पर्छ
किनकी तिनै वहुल हातहरुको संरचनाले वनेको छ यो देश

हातहरु
आज अस्तित्वको युद्ध मोर्चामा छन्
आफ्नो नश्लको अभियानमा छन्
जहा वर्षौ देखि नदेखिएका हातहरु देखिने क्रममा छन्
नसुनिएका आवाजहरु नेपथ्यवाट सडकमा उत्रेका छन्
सायद विर्सेका होलान हिजोका ती दमनकारी हातहरुले
कि समयचक्र घुम्छ भनेर
र सोचेका थिए होलान्
घडीको काटा रोके पछि समय रोकिन्छ भनेर
तर समयले हातहरुका विरुद्ध हातहरु उर्ठाई दिए पछि
ढलेकाछन् आफैलाई देव सम्झनेहरु
गलेकाछन् क्रुर आदेश दिने मस्तिष्कहरु
डढेकाछन् दमन गर्ने विचारहरु
हारेकाछन् वन्दुक पक्रने खुनी हातहरु
किनभने हातहरुले स्वतन्त्रता र स्वधिनताको लर्डाईमा
बडारी दिएकाछन् ती हातहरुलाई
आफ्नो सर्वभौमको लागि यसरी जुटेर उठेकाछन् हातहरु

हातहरु
हतियार हुन् अत्याधुनिक हतियारलाई कुल्चि दिने
इतिहास हुन देशलाई देश वनाई दिने
हरेक देशमा हातहरु उठेकाछन् यसरी नै परिवर्तनको लागि
त्यसैले यो देशमा पनि हातहरु
एकाएक जुटेकाछन् फुटेकाहरु
एकाएक उठेकाछन् सुतेकाहरु
किनभने सवैलाई विश्वास छ
हातहरुले देशको मुहार फेर्छ भनेर
हातहरुले देशको पुन निर्माण गर्छ भनेर
तसर्थ हाम्रा हातहरु हाम्रा लागि
लक्ष्य हुन् / आस्था हुन्
प्राप्ति हुन् / गन्तब्य हुन्
यथार्थमा र्सवस्व हुन् हातहरु
हातहरु संग सदैव साथ हुन्छ
साथहरु संग सदैव हात हुन्छ
अव कसैले जोरी नखोजे हुन्छ हातहरु संग
किनभने उठिसकेकाछन् हातहरु तिनीहरुलाई परास्त गर्न
गाउ वस्ति शहर वाट
हरेक तह र ताप्कावाट
देशको हरेक अङ्ग अङ्गवाट
अव छेक्न नखोजे हुन्छ कसैले
स्वतन्त्रता चाहान्छन् हातहरु

No comments: