म्यूजियम

युमा

छैन
कुनै नामोनिशान छैन
जीवनको
म्यूजियममा

अभिलेखमा
छैन
दरिद्रतम बस्तीको
सास निस्सासिने
जीवन्त रामझुपडी,
राखिएको छ
सम्राट्को वैभवशाली
निजी बेडरुम
म्यूजियममा
जसले
बताइरहेछ
अभिजात्य संस्कृतिको
दुर्दान्त कथा

शासकको ग्रे कोटको
फुत्किएको टाक
राजकुमारहरुले ज्युनार गरेका
आइसक्रिमका रित्ता कपहरु
ऐतिहासिक महत्वका
दुर्लभ वस्तुहरु
सरह
सुरक्षति राखिएको छ
म्यूजियममा

म्यूजियममा
टागिएको छ
बर्षौदेखि
तरवारको धारझै धारिलो
जुगा सहित विराजमान
शासकहरुका
मधुर मुद्राका
पोट्रेटहरु
राखिएको छैन
म्यूजियममा
राज्ययन्त्रको
हिंस्रक दात,
क्रुरता र अमानवीयता

म्यूजियममा
संङ्कलित छ
रानीसाहेबका कस्मेटिक्सहरु
राजकुमारीका
सयौ जोर जुत्ताहरु
सङ्कलनमा छैन
रामदुलारीहरुका रित्ता खुट्टाहरु
र,सुखिराम चौधरीको निधारबाट
बगिरहेको एक एक थोपा पसिना

राखिएको छैन
प्रियतमाको कोमल मुस्कान
म्यूजियममा
कुनै स्थान छैन
म्यूजियममा
बुढी आमाको
वेदनाको पहाड राख्ने,
किन छैन
म्यूजियममा
असंख्य आसुको सामुहिक सङ्कलन
किन
कहिल्यै पनि
राखिदैन
आम मान्छेहरुको जिन्दगी
म्यूजियममा उ