तितो यथार्थ

छबिरमण सिलवाल

मुहारमा हिलो पोतेर
हिलो-हिलो
पानी-पानीसंग
संझौता गर्न
शालीन दस्तावेदहरु
गरिवी लुकाएर
हाँस्छन्
पीडा लुकाएर
बाँच्छन्
उनीहरुका नाममा
गरिने राजनीतिले
कोल्टा फेरेको पत्तो छैन
एउटा युग यसरी
वितिरहेछ ।
महलमा त्यहि चामल पाक्छ
हातमा ठेला उठाइएकाहरु
युगौं-युगसम्म पिल्सिन्छन,
भोकै-नाङ्गै
जीवन गुजारी रहेछन् ।
काल-चक्र भन्दा माथी कोही छैन्
कलियुगीन मान्छेहरु
रंग फेर्दे रौनक देखाउछन्
र,
एक दिन,
आफैले आफ्नो
मुहारमा कालो पोत्छन,
मुहारमा हिलो पोत्नेहरुको
हिलो पखालिन्छ,
र,
सत्यता फैलाउछन् ।
र,
मुहारमा कालो पोत्नेहरु,
इतिहासमा नै कालो पोतेर
विलाउछन् ।