पिलो

छविरमण सिलवाल


राच्छेसी प्रवृत्ति
टुङ्गिएको छैन,
शरीरमा उम्रने पिलो
राम्रोसंग निचोरिएको छैन ,
कहिले कहाँ आउँछ ,
कहिले कहाँ ।
सधै दुःखै दुःख
डाक्टर राम्रो
नपरेर हो कि ?
पिलो
कहिले लुतो भएर
चिलाउँछ ,
कहिले पिलो भएर
दुखाउँछ ,
आफ्नो जात जनाएर
तपाइं हामीलाई
सधै-सधै
तर्साइरहेछ ?
ए !
सावधान ,
केही गर्छु भन्नेहरु
पहिले पिलोको
औषधि गर ।
नारायणहिटीको
पट्टाङ्गीनीमा
मडारिरहेको
पिलोले
हामी सवैलाई
पटक-पटक
दुखाइरहेछ
पिलोको
औषधि जरै उखेलेर
फल्नु हो ।
आऊ सवै
मिलेर
पहिले पिलो
निचोरौ
अनि ,
अरु थोक गरौं ।
त्यसपछि
लुतो त
साउने संक्रान्तिमा
फ्यालौंला ।
गिद्धे आँखा
लगाएर राच्छेसी
प्रवृतिको पिलोलाई
जरैदेखि
उखेलेर फालौं
र ,
शान्तिको श्वास फेरौं