जङ्गबहादुर र समय-३

रोशन सुवेदी

ऊ
समय
जङ्गबहादुर

सेकेण्ड-
जङ्गबहादुर सेकेण्ड सुइ चल्छ
मिनेट-
जङ्गबहादुर मिनेट सुइ चल्छ
घण्टा, दिन, रात-
जङ्गबहादुर... सम्पूर्ण जङ्गबहादुर...

जबसम्म जङ्गबहादुर समय चलिरहन्छ
तबसम्म मान्छे किचिईरहन्छ
मान्छेका आँशु
मान्छेको बेदना
मान्छेको सुख-दुख
मान्छेको चाहाना
मान्छेका इच्छाहरू
सबै सबै नै पग्लिएर बगिदिन्छन्
जङ्गबहादुरहरू समयलाई रक्सि बनाएर
तनतनी पिईदिन्छन्
बलत्कार गरिदिन्छन् न्यायका आवाजहरू

जङ्गबहादुरको बर्कोले छोपिएर
खोई कहिले उठने हो समय
बाटोको खोजीमा यात्रीहरू
कहिले गन्तव्य बनाउने हुन्

जङ्गबहादुर समय मुठ्ठीमा कसेर
खितखिताइ रहेछ -
ऊ
समय
जङ्गबहादुर ।

-

रचना समय - २०५८
कोटेश्वर, काठमाण्डू
सर्म्पर्क ४६०१९४३ बास, ४४७०९३३ कार्यालय