गीत

केशर के राई


मेरो जिन्दगी भन्नु नै तिमी हौ माग सारा दिनेछु
आँसु होस् या पीडा देऊ जनम-जनम तिमी मै समर्पित हुनेछु

पाखा-पखेरा सजाउने सुनगाभा र लालीगुराँस तिमी
हताश मेरो तनमा बहार दिने संगितका सरगम हौ तिमी
म त यात्री तिमी लक्ष्य देवी-देउराली भाक्नेछु
आँसु होस् या पीडा देऊ जनम-जनम तिमी मै समर्पित हुनेछु

चन्द्र-सूर्य झै खुलेका हिमाल झै हाँसिदिने तिमी हौ
प्रत्येक शब्द-शब्दमा स्वाद भरिदिने रस्वान तिमी नै हौ
म त धर्ती तिमी आकाश हरेक क्षण नियालीरहनेछु
आँसु होस् या पीडा देऊ जनम-जनम तिमी मै समर्पित हुनेछु

पाथेका-४, खोटाङ
हालः- काठमाडौ
kesharthulung@yahoo.com